Izquierda Xunida Mediuambiente

Izquierda Xunida xuega a dos bandes, pa tar na cai col mediuambiente y nos despachos cola estroza mediuambiental.

Va un tiempu que nel partíu únicu d’Asturies ta cómodamente asentá la fuercía política que nel so momentu representaba algún interés mediuambiental. Pesie a la imaxen que-y pue dar a Izquierda Xunida (IX) tar en una coalición colos verdes, la política mediuambiental que desarrolla ye, cuando menos, contradictoria. Crítica que se fai estensible a los socios d’IX

Una preba bultable d’esti fechu ye la política que defende IX en Xixón col apoyu incondicional d’esta fuercía política a la Regasificadora, o l’ aprebación del plan enerxéticu estatal xunto col PSOE. Estos fechos faenla merecedora (a ella y a los sus socios, independientemente de la etiqueta que se pongan) de muy poca credibilidá mediuambiental.

El casu de la Regasificadora de Xixón, ye especialmente sangrante, por que n’otres partes del estau (como en Ferrol), esti partíu (ensin estar en coalición colos verdes nin nada) posicionase a la escontra de una regasificadora por ser una instalación dañina y peligrosa. A naide-y tengo que remembrar que IX nun gobierna en Ferrol nin en Galicia.

Con to y con ello de cara a la galería, sigue calteniendo esa estratexa que “tantes allegríes polítiques”-y da, de ser a la vez gobiernu y oposición. Ye bastante necesario desmazcaritar a les fuercies polítiques que dicen una cosa a los ciudadanos y llueu, amparándose na dificultá p’algamarr cierta información, actúen de forma completamente estremda a lo que dicen.

A la forma de velo de mio, non se pue formar parte de un gobiernu neolliberal ( va munchu tiempu que el PSOE nin se arrima a ser socialdemócrata ) y tener credibilidá nin na izquierda, nin nel movimientu verde, nin nel asturianismu.

Esta postura esquizofrénica (la de ser oposición y gobiernu a la vez), lleva a IX a tar en toles plataformes escontra el plan enerxéticu estatal, que ellos mesmos aprebaron xunto con el PSOE, sin embargo non quiero que naide crea qu’esto ye daqué casual, que ye buena voluntá política o que simplemente son una parte crítica d’IX la que promueve esta actitú. Yo al menos nun lo creo. Ye un movimientu perfectamente orquestau pa paralizar, entorpecer, dañar y restar credibilidá a estes plataformes. Ye muncho más fácil saber lo que se piensa, se va a facer o los próximos planes de tal o cual plataforma. Ye más fácil pa ellos (que son el gobiernu) adelantarse a los movimientos de les plataformes. Como tengo dicho en más de una plataforma, ye poner al raposu a vixilar les pites.

Una muestra más de too esto foi l’aprebación de factu del plan enerxéticu que PSOE-IU prometieron unviar a la Xunta Xeneral del Principau nel 2004 y que dempués de tres años (ya nel 2007) el PSOE reconoció que se se supeditara al Plan Enerxéticu Estatal. Aunque esti plan non pasó per nengún de los organismos necesarios pa la so aprebación, (CUOTA, CAMA, etc…) y a la fin yera innecesariu dao que los asturianos y asturianes ya non podíamos facer nada. Pesie a la gravedá del asuntu nun hebo grandes protestes, non hubo xuicios, non hebo alegaciones. IX non quería esi escándalo, y consigió acallar les voces de les diferentes plataformes. Quiero recordar que daquella Unidá Nacionalista Asturiana, non yera un actor na política asturiana.

Pero esto ye política, nel sen más asquerosu de la pallabra, digo esto y faigo l’otro, destruyo aquello que me pue facer dañu políticu y llueu pleitesía al PSOE, que ye quien me da de comer – aunque seyan les migaxes que queden -.
Con too, creo qu’esti tipu de “artimañes” polítiques, son sostenibles a curtiu plazu, o nun tema mui puntual -quizás pase desapercibío, pensarán dellos-, pero llevao alantre dende el 2003 (primer pactu col PSOE) hasta el 2011 cuando seyan les próximes elecciones municipales, esta política pasará factura. Igual pa entós la sociedá asturiana ye a enfotase n’otra fuercia política y naguo por que seya Unidá Nacionalista Asturiana (UNA).

Anuncios

Una respuesta a “Izquierda Xunida Mediuambiente

  1. Pingback: Ni Sama-Velilla, ni Soto-Penagos. No queremos ser la pila de España. (Castellano) « Asturies Mediuambiente

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s