La gran mentira del biodiesel. La realidá del agrodiesel. (Asturianu)

Hai ya unos años, venimos sintiendo falar nos medios de comunicación del biodiesel como una forma “ecolóxica” de producir combustible, una forma “renovable” y según dellos “sostenible” de xenerar enerxía nuna sociedá que cada vuelta demanda más y más consumu.

Tanques de almacenamiento de biodiesel ¿o agrodiesel?

Tanques de almacenamiento de biodiesel ¿o agrodiesel?

Alcuando esto foi asina y fixéronse dalgunes meyores interesantes como’l reciclaxe de los aceites contaminantes a biodiesel, un procesu productivu que tresforma unos residuos d’altu peligru medioambiental, sobre too cuando se vierten al agua, pa llograr un aprovechamientu enerxéticu. L’aprovechamientu enerxéticu ye una de les directrices menos recomendaes de la Unión Europea, pero con too y con ello entá recomendada en dellos casos ente los que podría tar esti, teniendo en cuenta que l’alternativa ye’l vertíu.

Sicasí, énte l’espoxigue de los cultivos – dellos transxénicos – empobinaos a la producción de combustibles que, de nenguna manera, podemos cayer en llamar biocombustibles, parez que alcontramos una forma de garantizar carburantes sin falta de petróleu. Estos combustibles que claramente habríamos llamar agrocombustibles, básense na plantación estensiva de cultivos non alimentarios que ponen en peligru la soberanía alimentaria de los países de orixe, asina como de los ecosistemes que se modifiquen sin nengún tipu de control pa la plantación d’estos vexetales, en xeneral inútiles pa l’alimentación de la fauna local.

Dientro d’esti mundu globalizáu, parez que’l papel productor va toca-yos a los países iberoamericanos, desertificándolos y estrozando bona parte del futuru que tienen como productores de materies primes más competitives. Estos cultivos van dexar les zones onde se planten ermes para otros cultivos, pola destrucción de los ecosistemes, restrinxendo o eliminando la so capacidá de camudar de plantaciones y poro, en manes d’un mercáu que nun son a controlar.

Terrenu preparáu pa la plantación

Terreno preparado para la plantación

Cuando les zones productores d’alimentos tean reconvertíes a productores d’agrocombustibles, principalmente agrodiesel y agroetanol, vamos sufrir les mayores subes de precios d’alimentos que se vieren na historia de la humanidá y, con mui poca traza d’igua a curtíu plazu, esto va afectar principalmente a los países probes que son los que dediquen una mayor parte de la so renta a l’alimentación, en dellos casos cerca’l 100% de los sos ingresos. A estos países la suba precios de los alimentos más baratos y básicos condénalos a la fame y la desesperación.

El principal efectu que vamos conseguir nos países ricos, ye llograr enanchar los dividendos de dalgunes multinacionales y que los gobiernos de los países desarrollaos nun entamen polítiques reales d’aforru enerxéticu o la investigación n’enerxíes llimpies ya que var ser más “competitivo” l’agrocombustible.

Si los países que demanden el combustible nun entamamos a gastar la enerxía y recursos naturales de forma sostenible, vamos condenar a muerte a bona parte de la población mundial, va ser, eso sí, una condena a muerte de los países ricos a los probes o bien a la revuelta d’estos contra esti nuevu tipu de colonialismu globalizáu.

Van facer falta midíes globales p’amernorgar el consumu enerxéticu, especialmente’l de carburantes si queremos evitar destruir más tovía’l nuestru maltrechu planeta.

Anuncios

3 Respuestas a “La gran mentira del biodiesel. La realidá del agrodiesel. (Asturianu)

  1. ME gusta tu artículo chico.

  2. Un artículu perinteresante. Como suxerencia, habríes amplialu cuando pueas.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s