Reagasificadora de Xixón piedra angular del desastre enerxéticu n’Asturies y Llión (Asturianu)

Políticos de toda mena emponderen la nueva planta regasificadora de Xixón, o como muncho faen mutis por el foro, nuna especie del que calla otorga que nun dexa de ser una complicidá cola obra y col gobiernu.
Entrúgome sinceramente si la mayoría de los xixoneses y los asturianos, saben realmente qué significa esta regasificadora o porqué se construye en Xixón.

Torre alta tensión

Torre de alta tensión

El plan de Zapatero, Areces y los sos socios, dellos autodenominaos asturianistes o incluso verdes, consiste en facer d’Asturies el gran polu estatal de producción enerxética. Fálase de crear puestos de trabayu y de desarrollu p’Asturies. ¿Hai dalgo de verdá nello?, los famosos puestos de trabayu qu’apaecen nos titulares, son evidentemente durante la construcción de les instalaciones y después ¿qué?. ¿Qué parte de desarrollu sostenible nun son a entender estos miopes políticos que gobiernen Asturies? , una vez funcionando la regasificadora va crear más de 100 puestos de trabayu (diznos Areces), les aclaraciones de la lletra pequeño son que van ser ente emplegos directos y indirectos… a la fin hai restoranes que xeneran más emplegu, por facer una comparanza.

Va facese una inversión de nun se sabe cuantos millones d’euros ¿Y a nós que?, ¿Dalgún d’ellos va revertir en Xixón o Asturies?, en realidá non, como son “amortizables” van cobránoslo en factura a los ciudadanos, ye dicir que van subinos el preciu de la enerxía. Esti panorama que paez enforma desalentador, ye namás la pica l’iceberg de les intenciones del PSOE p’Asturies. Detrás de la regasificadora de Xixón, van siguir les centrales térmiques de combustión de gas. Nestos momentos hai 12 proyectaes n’Asturies, nuna zona escedentaria n’enerxía, qu’amás ye una de les zones del estáu con menor prioridá pa nueves instalaciones eléctriques, una zona onde los problemes d’evacuación energética son evidentes tanto pola orografía, como porque la cantidá d’enerxía producida ye tanta que va suponer un problema la so descarga a la rede estatal, como reconocen los propios informes de Red Eléctrica.
Finalmente y pese a que REE ya declaró que va construyir les llínees d’evacuación, construyanse o non les térmiques de gas, va llegar el momentu nel qu’estes llínees seyan insuficientes, y entós nin siquiera el crimen medioambiental que suponen las llínees d’alta tensión (LATs) de Soto-Penagos y Sama-Velilla p’Asturies y Llión van ser abondo.

Entós, preguntarase cualquiera ¿Por qué esti esfarraple medioambiental?
¿Por qué n’Asturies?, la rempuesta ye tan cenciella que puede pasar desapercibida, porque nadie se opón, porque’ gobiernu asturianu diz amén o incluso solicita eses inversiones pa xustificar una xestión incapaz de crear el más mínimu texíu industrial n’Asturies.

Paez xusto entrugase que llegáu vamos dexa-yos a los asturianos del futuru, nun creo que me confunda muncho diciendo que cuando acaben les obres, cuando se consiga facer d’Asturies la pila d’España, vamos dexa-yos una situación económica na que se crearon ente 200 y 300 puestos de trabayu, na que produciremos una enerxía ensin nengún tipu de valor añedíu, a espensss del inestable mercáu del gas, y que tendremos dilapidao una bona parte del nuestru padremoñu medioambiental, nuna Asturies cada vuelta menos atractiva pa captar inversiones d’empresas non contaminantes. Dalgo paecío va pasas en Llión, col agravante de que nin siquiera se van xenerarán esos puestos de trabayu. ¿Pero ta dispuestu el gobiernu Asturianu o estatal a sentir a Llión? [Recursos medioambientales y modelu d’estáu]

Supongo qu’entós será el momento d’aformigonar lo que quede d’Asturies n’otru intentu desesperáu por siguir creando emplegu non sostenible, de siguir destruyendo Asturies, pa que les zones más riques del estáu seyan entá más riques y las más probes, cada vez más probes.

Otra vuelta de tuerca más p’algamar una Asturies que seya la pila d’España y Llión el cable.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s